Pobreziaren eta Gizarte Bazterketaren aurkako Nafarroako Sarea

“Pobreziaren eta Gizarte Bazterkeriaren aurkako Nafarroako Sarea” 1994ko ekainaren 29an sortu zen, pobrezia eta gizarte-bazterketa desagerrarazteko lan egiten duten irabazi-asmorik gabeko gizarte-erakundeen elkarte horizontal gisa. Gaur egun, Nafarroan egoitza duten 33 gizarte-erakundek osatzen dute.

Elkarlana, lankidetza, erakundeen eta pertsonen arteko koordinazioa fundazio-ildoen zati dira; baita gure helburu nagusia ere: bazterketaren aurkako borroka eta pertsonen duintasunaren aldeko borroka, urrakortasun-egoeran dauden pertsonen autonomia eta ahalduntzea ardatz hartuta, gizarte-erakunde bakoitzak aniztasunetik ekartzen dituen baliabideen bidez.